جوازه ( احمد فؤاد نجم )

شعبان البقال
عقبال الأنجال
اتوظف و اتنظف
و اتعدل له الحال

من بعد الجلابية
و الفوطة الدبلان
ف رقبته المهرية
من هبش الأكلان
و الدوخة الأزلية
و النوم ف الدكان
بقى صاحب عربية
و عمارة و سكان
تلقاه للصبحية
سهران ع الكونكان
و ينام للعصرية
كبقيت الأعيان
و سألت الخضرية
و بتوع الدخان
ع الحكمة الالهية
في نظافة شعبان
و عرفت ان اخانا
شعبان ابن بهانة
اتجوز فنانة
و اتعين فنان

يسلمواااااااااااااا

مشكووووووووور